三の玩具箱

因為這邊比較多學生訪客，因此決定把氣噴在這邊

各位同學
又到了12月1月 = 考試月喇
溫書未呢？
在努力溫書之前，千萬不能過於埋怨何解世上居然有『考試』這東東
因為埋怨考試絕不是學生的專利
還有很多人想埋怨的~

也許你認為第二個能埋怨的人是老師
是的
若那個老師辛辛苦苦吐出一份卷來，當然能埋怨
不過那些用past paper抄抄寫寫的就.......=x=
而改卷的老師要看懂大家的鬼畫符也很可憐

別以為就以上兩類人可埋怨 (指)
最最最能埋怨的是校工叔叔/姐姐才對！
我真係見佢地印+釘到噴晒煙
d『可敬』的老師最喜歡在最後一刻才交卷
聽說最高紀錄是開考前15分鐘才叫校工叔叔印
各位同學你說呀~~~他們是不是最能埋怨的人

除了以上三類人外
我想還有一類
你億億(比萬萬更萬萬)想不到還有校務處的人
基本上他們是最後的經手人 (在監考老師取卷前)
首先老師出卷遲了→印遲了→
執死校務處d人咩！
唔好以為執卷好簡單
唔好以為所有卷排好俾你執，執時又要mark低有乜冇乜，又要塞幾張點名紙，不同科的學生收讀NAME LIST，訓導處無鬼聊的校服檢查表(話要日日收番，但都冇人肯合作交回來)，A班和B班又分合併Group1,2,3....

我就係今日執S1-S6卷都執左4-5小時！(還有份Econ II在我收工前剛出好‧未印)
又搬又疊又企又要同時Handle其他野 (eg, 訪客, 電話, 麻煩友副校長......)

接著被停課的人要考試又在校務處考(我要安置她/睇時間/得閒望佢有冇出喵)
考試期間無啦啦外出比賽而需補考者，又係冇野交帶過就塞俾校務處
你可知道d『可敬』的老師唔係個個咁好手尾送番隻listening碟給我們呃
難道要我讀？(冇稿又點讀？)
補考你都要安排好+話過我聽在哪個課室和誰監考丫
就咁塞俾我算點？你可知道補考唔係一科+一級一班的事，夾埋都幾個小時.........我去監考唔做其他野好唔好？你肯我肯都唔掂o架，我又唔識分身
仲大返我轉頭話『x sir冇交低俾你聽咩？』
駛唔駛咁兇呀？老師大晒？而且你地幾時有講過呢，你地連邊個學生出去比賽都冇通知過我呀，一陣我以為佢地冇返打電話俾家長又係我挨罵啦？
乜都冇通知，以為我係神仙
之後人地在電話就問到我口啞啞
可能d『所謂老師』認為唔關我事，唔需要話俾我li d small potato聽
大佬，學生出席，接聽電話都係我做
個學生問我考試幾點當遲到我真係答佢唔到囉，話就話8半/9點開考，但我點知學校expect d學生幾點前返？

我有時真係覺得
狗屎垃圾都塞俾校務處
野就我地做，彩就d老師攞
d老師又唔係好人(什麼敬師節？我呸！)，又唔係守規矩(個人認為訓導處的老師最冇規矩!!!!)
氣又我地受
真係好唔公平

講真，因為咁令我唔會再去尊重『老師』這些人



怨氣太多......對不起......
不過真的希望大家別太介意校務處的人沒什麼禮貌/黑面
因為我們也不想的

ps. 說就說是校務處的人處理考卷，但其實才兩個人handle......