三の玩具箱

這篇entry都算是發洩，不適者...看看也無妨...


有d野屈在心中真係好辛苦...但說出來又好似好小氣咁...
但我現在真係好想說說...

其實我唔係吝嗇...
有好野要同大家分享要應該的...
有時獨有一樣東西不是最開心, 同人分享那種感覺才是最開心的事
我明的。因為其實可以同我分享o既人唔多
所以我好珍惜同我愛同一樣野, 有共同話題o既你地
因為咁, 我好樂於分享我擁有o既野。我好鐘意同大家一齊傾一齊笑~
其實肉麻d講句...大家o既笑容真係我o既動力...
做完一樣野, 有時唔係淨係話好好就夠。我係貪心d，我係想同大家分享我做o既過程。我知道有時有d野當你地沒興趣時，我捉住你地講係一件好痛苦o既事。我有時都有d咁o既感覺。但我都盡量會配合你地，你地開心我一齊開心，你地唔開心我都一齊唔開心。朋友嘛，邊有得計...
我唔係講到自己好偉大咁...
有時懶理不理o既事我都會做過
但當你地差不多次次都係咁時...真係會覺得難過的...

做完一樣野, 只換來幾句敷衍的「不錯」
我搞咁耐整咁耐...只係幾句敷衍o既說話...
有時有d事我唔係為自己做的...我你為大家做的...
但...敷衍都算...有時你地真係唔會去睇..唔會去理...
又可能根本唔知我做左件咁o既事...

我仍然仲咁白痴去努力去做去整去寫去畫...
可能一部份係因為我為左滿足自己o既慾望, 但我深信自己有好大部份係為左維繫我地之間o既感情...
比起以前，我們已經冇叫咩聯絡...冇咩溝通...
要維持到以前咁其實係冇咩可能...
但我真係唔想咁
做朋友有今生冇來世。
如果我o既白痴行為仲有少少o既作用，我會好樂意去做。
但如果我o既努力只能換來大家o既冷淡...咁我到底仲應唔應該繼續去做呢？
有時我做出黎o既野的確唔係d咩perfect, 出色o既事
但我都叫俾心機去做...就算係垃圾都好，我都要諗, 要花時間...
我唔係叫大家去好假咁加以稱讚...但我只係想大家拎個心出黎講多幾句...
相比我花o既精神努力、心意...大家花多少少...係唔係真係太過份呢

咁有時...如果你唔當我係朋友o既話...真係連果少少都唔應該浪費
又或者我真係強迫緊大家...又或者你地從來/現在已唔當我係朋友，只係唔好意思講o者...
如果你地覺得我只係俾緊說話你地聽，我非常抱歉。
我真係唔係想去怪大家...
只係...我都係有感情o既生物。
我唔係剩係識拉比仁王TakuyaKENKEN咁...
我都會為其他事而唔開心...

真心講句
其實經過之前網網的罵戰...關站後
我真係好hurt好hurt
我冇左一個大家開心留言談天o既地方
但某d人消失左倒是一件幸事
經歷了那風波、一直支持我的人
我每一個都好珍惜...
還有在RR留言的人...佢一個留言都比很多事都寶貴
失去左o既事我已經失去左，所以我唔想俾我現在還擁有o既事失去。
有幾多個網，幾多blog都冇用
最重要係有人、有重要o既朋友同我一齊分享
li d係我學到o既野
對重要o既人、事...我唔想咁易放手...
一放左手...我會失去更多野...
我唔要咁
我唔想後悔
是的...說到底我都係為左我自己...

最尾... 只係講講...
我明白大家平時生活那邊是非常重要...
但除了這一邊外...
我自己係好重視網網這邊...
你可以唔當我係朋友
但我一直都將大家視為重要朋友...是真的。。。